((حزن النبلاء )) للـشــاعر .. سـ ع ــد ع ــلوش

((حـــــزن النـــبــــلاء))

الجرح ماهـو خاطـر شـوي ويـروق

..........الجـرح حتـى لـو تشـافـى يعلّـلـك

واذاك متحمـس متـاهـات وطــروق

..........أنـا تعبـت أشـد حيـلـي وأحـاولـك

سماي ماشي شمـس ورعـود وبـروق

..........والريـح ماهبّـت ولا يجـري الفـلـك

والقلب ناشف بحر .. وشقوقـه شقـوق

..........وشلـون بيـكـوّد سـحـاب ويبلّـلـك

ياظامي أنا أظمـا .. ومتشبـع حـروق

..........واذاك ظامـي للمواصـل أنــا هـلـك

هلك .. ووقف في وجهي الأصل والذوق

..........والمجتمـع والعـرف والفقـر وأهـلـك

متعومس .. وحـزن النبـلاء مرمـوق

..........يعني لـو أحتـاج لـك ماجيـت أسألـك

اللي علي أشكـي .. وأعاتبـك برفـوق

..........وأقـولـك ودي مـاعــاد أتـأمـلـك

مـن دورة الأيـام يـاخـوك مخـنـوق

..........الوقـت مشانـي مـن السلـك للسلـك

..........أزل خطـوه بـس مـا أزل منـطـوق

ولو صارت أبا أحب خشمـك وأجاملـك

يبقـى البنـي آدم مـجـرد ومخـلـوق

..........ملك .. ولكن فـي الحقيقـه بـلا ملـك

والناس عوق الناس .. والدرب مسبوق

..........تتعب على أشيا ف الآخر ماهـي بألـك

كـذاب قايـل : كـل مطـرود ملحـوق

..........سنين وأنا أطردك وأزريـت لا أوصلـك

كنّـك تطيـش وكنـي أدور فـي طـوق

..........كل ماوصلت آخـرك يطلـع لـي أولـك

ياليت ما في خاطـري شـوق وفـروق

..........ما كان حسيت ان أنا بـس منـك الـك

الشوق ماهو رعشـه وقبضـة عـروق

..........وماهو اللي من شينك ف عينك يجمّلـك

وماهو شعـور يخالـج الـروح برفـوق

..........ولا هو سحر ولا أدري والله شاقول الك

كنّه سحابـة حلـم وتطيـر بـك فـوق

.................وتطـيـر .. ولا ودّك انـهـا تنـزلـك

الشوق هذا .. والا أنـا شوقـي البـوق

..........ماقد حصل في شـوق هـذي ولا تلـك

تدري وش أسوّي الى أضناني الشـوق

..........أسـوي بعيـونـي كــذا وأتخيّـلـك

وأقربّك واتـوق .. واتـوق .. واتـوق

..........وأكثّـرك وأحلـف مـا عــاد أقلّـلـك

وأصوّرك في الموق .. وتكبر على الموق

..........وتطيح مع دمعي علـى ايـدي وأقبّلـك

هذا غـلاي اللـي مـع الـدم مدقـوق

..........ولا عاد تسأل عـن شعـوري بزعّلـك

محبـة ماهيـب مـن طـارف السـوق

..........لو انـك توكـل .. كـان والله لا آكلـك

جيتك حقوق ورحـت ماعنـدي حقـوق

..........وان قلت مـا أحبـك أبجحـد مواصلـك

أحبـك ؟ ألا يابـري حالـي وعــوق

..........من كثـر ماحبـك أخـاف انـي أقتلـك

ان شاء الله تعجبكم Embarassed

يسلمووو يدينك على الطرح

روووعه صح لسانك يعطيك العاااافيه

سعد علوش لو اتكلم عنه اكيد راح اقصر بحقه لانه قمه من قمم الشعر

تقبلي تواجدي

سلومي كتب:: يسلمووو يدينك على الطرح

روووعه صح لسانك يعطيك العاااافيه

سعد علوش لو اتكلم عنه اكيد راح اقصر بحقه لانه قمه من قمم الشعر

تقبلي تواجدي

اي والله صدقت

سعد علوش من افضل شعراء هذا العصر وما يحتاج حدا يتكلم عنه وعن ابداعه

ومشكور اخوي على المشاركة الطيبة

نورت الصفحة

دمت بخير